"Қош келдің Әз-наурыз"

Түркістан облысы, Мақтаарал ауданының білім бөліміне қарасты,  "Т.Әубәкіров атындағы 43  жалпы білім беретін мектеп" коммуналдық мемлекеттік мекемесінде "Қош келдің Әз-наурыз" тақырыбында 7-11 сынып оқушыларымен наурыз тойы аталып өтті.

Ұлыстың Ұлы күні - Наурыз мерекесінде мектеп директоры М.П.Аккулиев алғашқы құттықтау сөзін сөйлеп, Наурыз – көктем мен жаңару мерекесі. Бұл Қазақстанның ең сүйікті және ауқымды мерекелерінің бірі екендігін айтты. 

ДТІЖО Р. Т. Аманова жиналған көпшілікті Наурыз мерекесімен құттықтап дастарханға молшылық,  дендеріне саулық, отбасыларына амандық тіледі. 

Наурыз мейрамына оқушылар қарқынды дайындықпен келіпті. Ақ дастарқан жайылып, үсті ұлттық дәмге толтырылды. Дастарқан басындағыларға "Наурыз көже" тарту етіліп, қымыз қымыран ішілді.

Қазақтың "Арқан тарту", "Асық" ойындары ойнатылып, "Тұсау кесер",, салт дәстүрі көрсетілді.  Сонымен қатар, тәжік ұлтының "Келін түсіру" рәсімі көрсетілді. Шара соңында алақан жайылып, бата берілді.