"Қош келдің Әз-наурыз"

Түркістан облысы, Мақтаарал ауданы, Адами әлеуетті дамыту бөліміне қарасты "Т.Әубәкіров атындағы жалпы орта мектебі" коммуналдық мемлекеттік мекемесінде "Қош келдің Әз-наурыз" тақырыбында 7-11 сынып оқушыларымен наурыз тойы аталып өтті.

⠀

Ұлыстың Ұлы күні - Наурыз мерекесінде мектеп директоры М.П.Аккулиев алғашқы құттықтау сөзін сөйлеп, оқушыларды мерекемен құттықтады.  ДТІЖО Р.Т.Аманова  мен ДОІЖО И.Е.Джайнаров Наурыз – көктем мен жаңару мерекесі. Бұл Қазақстанның ең сүйікті және ауқымды мерекелерінің бірі екендігін айтып, жиналған көпшілікті Наурыз мерекесімен құттықтай келе,  ДОІЖО И.Е.ДЖАЙНАРОВ мерекелік ақ батасын берді.

⠀

Көктемнің алғашқы ашылған бәйшешек гүліндей болып "Наз" бишілер тобы "Наурыз көктем" биін билеп, "Алтын домбырашылар" үйірме оқушылары күмбірлете күй тартып, жиналған көпшілікті тәнті етті. Әнші қыздарымыз әннен шашу шашты.

⠀

Наурыз мейрамына оқушылар қарқынды дайындықпен келіпті. Ақ дастарқан жайылып, үсті ұлттық дәмге толтырылды. Дастарқан басындағыларға "Наурыз көже" тарту етіліп, қымыз қымыран ішілді.

⠀

Қазақтың "Көкпар", "Арқан тарту", "Асық" ойындары ойнатылып, "Тұсау кесер" салт дәстүрі көрсетілді.  Сонымен қатар, тәжік ұлтының "Құда түсу" рәсімі көрсетілді. Шара соңында алақан жайылып, бата берілді.