«1 наурыз-алғыс айту»

Түркістан облысы, Мақтаарал ауданы, Адами әлеуетті дамыту бөліміне қарасты "Т. Әубәкіров атындағы №43 жалпы орта мектебі " коммуналдық мемлекеттік мекемесінде 01.03.2023 күні «1 наурыз-алғыс айту» мерекесіне орай «Бір шаңырақ астындамыз» атты мерекелік іс-шара өткізілді.

⠀

Іс-шара басында мектеп директоры М.П.Аккулиев мерекелік құттықтау сөз айтып- Алғыс айту күні - бейбітшілік пен достыққа, тыныштық пен ынтымаққа үндейтін мереке, бұл кең құшақ құрмет - еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне, халқымыз үшін айтулы ізгі дәстүрге айналғанын, жалпы, бұл күн қиын-қыстау кезеңдерде қуаныш пен қайғыны қатар бөлісіп, пана бола білген қазақ халқына өзге ұлт өкілдерінің алғыс айтатын сәті екендігін айтып өтті.

⠀

ДТІЖО Р.Т.Аманова өз құттықтау сөзін жалғастыра отырып- Бұл күн тағдыр тоғыстырған Қазақстанның көпэтносты халқының ортақ тарихын құрметтеу күні болады. «Алғыс айту күні» – қайырымдылық дәстүрлерін, әлеуметтік ынтымақты және өзара көмек көрсетуді қолдау күні. Бұл – репрессия мен жер аудару жылдарында біздің халық көрсеткен мейірімділік пен ақ көңілдік, қолда бармен бөлісу, көмек көрсету сынды рухани дәстүрлер күні екендігі туралы айтып кетті.

⠀

Іс-шарада әр сыныпқа бөлініп берілген ұлттардың ұлттық билері биленіп, тағамдары тартылды.

⠀

Ортаға Шаңырақ шығарылып, астында әр түрлі ұлт өкілдерінің ұлттық костюмдерін киген оқушылар өздерінің ұлттық тілде құттықтау сөздерін көпшілікке арнады.

⠀

Іс-шара жоғары деңгейде ұйымдастырылып, өте қызықты өтті. Оқушылар іс-шараға белсене қатысып, ұстаздармен қоса бір-біріне алғыстарын жаудырды.

⠀