06
февраль
2023
"Бала тәрбиесі мен оқу үлгерімі"
Түркістан облысы, Мақтаарал ауданы адами әлеуетті дамыту бөліміне қарасты Т.Әубәкіров атындағы 43 жалпы орта мектебінде ДТІЖО Р.Т.Аманованың ұйымдастыруымен "Бала тәрбиесі мен оқу үлгерімі" тақырыбында жалпы мектеп ата-аналар жиналысы өткізілді.
⠀
ДТІЖО Р.Т.Аманова өз сөзінде: -бала тәрбиесі – бір отбасының ғана емес, бүкіл қоғамның мемлекеттік абыройлы міндеті екенін, кезінде Әл Фараби бабамыз «Ғылым емес, ең алдымен тәрбиеге көңіл бөлу керек, тәрбиесіз адамға ғылым баянды болмайды» - демеп пе еді? Осыған орай бүкіл ата - ана тәрбиеге бет бұруы керек. Ұрпақ тәрбиесіне мүдделі екендігін ата - аналар іс - жүзінде дәлелдеп отырулары тиіс. Міне осындай ынтымақ бірлігінде ғана ойдағыдай нәтиже берері ақиқат,- деп, ата-аналармен "өз баламды жақсы білемінбе" тақырыбына сұрақ-жауап өткізді.
⠀
Сонымен қатар, ата-аналарға ДТІЖО Р.Т.Аманова Бала конвенциясымен таныстырып өтті. Яғни, бала құқықтарының болуы, оның сақталуы, оған құрметпен қарау керектігін түсіндіріп өтті.
⠀
Жиналыс барысында көптеген ата - аналар баланың кемшілігін мектептегі мұғалімдерден көреді. Отбасында мұғалімдер туралы жақсы пікір айтылса, алдымен ата - ананың мектеп, ұстаз туралы жақсы ниеті балаға жақсы әсер етеді. Ондай балалардың оқуға, білімге, мектепке құштарлығы артады. Ұстазды, адамды сыйлауы өзгеше болады. Мектеп, ұстаз туралы басқаша пікірде көңілі толмаған ойлардың жетегінде баласының алдында ғайбаттау сөздер сөйленетін болса, ол баланың мектеп, мұғалімге көзқарасы өзгереді. Оқу - үлгеріміне әсер етеді. Немқұрайлы қарап, үлгерімі нашарлайды. Ата - ана өз баласының ынтасын үйдегі тәрбие арқылы өзі жойып отырғанын білмейді. Бала тәрбиесі отбасынан басталады. Мектепке келгеннен кейін ол мінез отбасында қалыптасқан тәрбие одан әрі жалғасады. Бір тәуліктің яғни 24 сағаттың 6 сағаты мектепте, қалғаны тәрбие ордасы, үнемі ата - ана болып қала береді,-деген пікірлер де сынып жетекшілер тарапынан білдірілді.
⠀
Мақсаты:
⠀
1. Ата - ананың өмірге деген көзқарасын өзгерту.
2. Ата - аналарды балаларға жауапкершілікпен қарауға шақыру.
3. Баланың бүгінгі істеген қадамы ертеңгі тұлға ретінде қалыптасуына үлкен әсер ететінін атап өту.