сыбайлас жемқорлыққа қарсы тұжырымдама

Түркістан облысы, Мақтаарал ауданы, Адами әлеуетті дамыту бөліміне қарасты  «Т. Әубәкіров атындағы №43 жалпы орта мектебі» коммуналдық мемлекеттік мекемесінде мектеп директоры М.П.Аккулиевтың ұйымдастыруымен мектеп ұжымына Мемлекет басшысы Қ.Тоқаевтың 2 ақпандағы №802 Жарлығымен 2022-2026 ж.ж. арналған сыбайлас жемқорлыққа  қарсы тұжырымдама талаптарын  насихаттау мақсатында жиналыс өткізілді.

⠀

Іс-шара  төрағасы М.П.Аккулиев Мемлекет басшысының сыбайлас жемқорлыққа қарсы іс-қимыл мәселелеріне арналған кеңесте ұсынған тұжырымдарымен таныстырып, түпкі мақсат – сыбайлас жемқорлықтан таза қоғам қалыптастыру және жемқорлықты түбімен жою үшін оған бүкіл ел болып, қоғам болып  қарсы тұру керек екенін жеткізді.

⠀

Сыбайлас жемқорлыққа қарсы іс-қимылдың жаңа мақсаттары мен міндеттері туралы баяндама жасады.

⠀

Жиналыс төрағасы М.П.Аккулиев жаңа бағдарламалық құжатқа сәйкес, Қазақстан бүгінгі күні сыбайлас жемқорлыққа қарсы қалыптасқан іс-қимылмен қатар, халықтың сыбайлас жемқорлықтың кез келген түрінен бас тартуы арқылы қоғамдық сананы түбегейлі өзгертуге мүдделі екенін айтып өтті.

⠀

Жиынның негізгі мақсаты: ақпараттық түсіндіру жұмыстары арқылы тұрмыстық жемқорлықты жою және сыбайлас жемқорлыққа қарсы мүлдем төзбеушілік қағидаттарын қалыптастыру.