«Мен үйрететін бір әдіс»

«МЕН ҮЙРЕТЕТІН БІР ӘДІС» жобасының кезекті айдары.

Мақтаарал ауданы білім бөлімінің жоспарына сәйкес, «Педагогикалық инновациялық жобалар» аясында «Мен үйрететін бір әдіс» жобасын Әубәкіров атындағы №43 жалпы білім беретін мектептің тарих пәні мұғалімі, педагог-шебер  Т.К.Алибекова өз сабақтарында іске асыруда. 

Мақсаты: жас мамандарға әдістемелік көмек беру, педагогикалық ынтымақтастықты нығайту, тиімді оқыту тәсілдерін ұсыну.

«Санаттау» белсенді оқыту әдісімен оқушыларға тәуелсіз мемлекеттің белгілерін маңыздылығына қарай ромбтың ішіне жайғастыру тапсырмасы берілді. Оқушылар мемлекеттің негізгі белгілерін анықтап алып, ромбының ішіне маңыздылығына қарай ретпен жазып шығады.  Мысалы: Аумағы-Халқы-Орталық билік органдары-Шекарасы-Заңы-Егемендік-Салық т.б.

«Артығын тап» әдісімен оқушылар мағынасы жағынан ұқсас сөздерді, ұғымдарды, суреттерді олардың ортақ белгісі бойынша сай келмей тұрғанын артық деп қабылдап, негіздемесін тауып алып тастайды.

«Т-кестесінің» мақсаты – қарама – қарсы нәрселерді,сөздерді тере білу. Бұл жұмыста салыстыру, салыстыра отырып топтастыру сияқты процестер жүзеге асады. Оқушылардың сыни тұрғыдан ойлау қабілетін, есте сақтау қабілеттерін дамытады. Бұл стратегия жұпта, топта, жеке де орындала береді.