"ТҮЛЕК 2022-Жаңа Қазақстанның ертеңі"

Түркістан облысы Мақтаарал ауданы адами әлеуетті дамыту бөліміне қарасты  "Т.Әубәкіров  атындағы №43  жалпы орта мектебінде" 17 маусым күні  Балалар жылына орай "ТҮЛЕК 2022-Жаңа Қазақстанның ертеңі"  атты мектеп бітіруші түлектерге аттестат тапсыру іс-шарасы өткізілді. Мерекелік іс- шараны мектеп директоры М.П. Аккулиев ашып беріп,түлектерді құттықтап ыстық лебізін білдірді. 2021-2022 оқу жылында 11 сыныпты 32 оқушы бітірді.  Мектебіміздің түлектері Бигараева Мадина, Кеңесбай Жарқынай  "Алтын белгі" иегері атанды, Қалижан Айбек, Авдилхан Толғанай, "Үздік аттестатпен"  9 сынып оқушылары  Шарипова Шахзода, Акилова Раксана, Рахман Айман, Дарменбай Зейнеп  "Үздік аттестатпен" марапатталып үздік нәтиже көрсетті. Түлектер атынан "Алтын белгі" иегері Кеңесбай Жарқынай барлық ұстаздарына алғыс айтып, олардың артқан сенімдерін ақтауға тырысатындықтарын жеткізді. 

Оқу ісі  жөніндегі орынбасарлары И.Е. Джайнаров пен Р. Т. Сарманова,  тәрбие ісі орынбасары Р.Т. Аманова түлектерге жылы лебіздерін білдіріп ақ жол,  сәт сапар тіледі.

Адамзатқа білімнің құндылығын мойындатқан тағы бір оқу жылы осылай өз мәресіне жетті. 

Алдағы ҰБТ-ден сүрінбей өтіп , жолдарың болсын жас түлек!