Мектеп директоры М.П.Аккулиев есеп беруі

.Түркістан облысы, Мақтаарал ауданы, Адами әлеуетті дамыту бөліміне қарасты "Т. Әубәкіров атындағы №43 жалпы орта мектебі" коммуналдық мемлекеттік мекемесінде мектеп директоры Аккулиев Мурадбек Пердебекұлы 2022-2023 оқу жылының І жарты жылдығында мектепте атқарылған қайырымдылық іс-шаралары туралы «Қамқоршылық кеңес» мүшелеріне есеп беру жиынын өткізді.

⠀

Қазақстан Республикасы Білім және ғылым министрінің 2017 жылғы 27 шілдедегі №355 бұйрығы білім беру ұйымдарында қамқоршылық кеңестің жұмысын ұйымдастыру және оны сайлау тәртібінің үлгілік қағидаларын бекіту туралы заңын негізге ала отырып қамқоршылық кеңес құрамы сайланып бекітілгендігін айта келе, қамқоршылық кеңес мүшелерін мектептің әлеуметтік картасымен таныстырып өтті.

Директор өз сөзін жалғастыра отырып,- аудандық білім бөлімі тарапынан берілген қаржылай көмекті алған оқушылар тізімін, сонымен қатар, қаржылай көмек алған оқушылар санын қаржы суммасымен қоса, оның ішінде көп балалы оқушылар,  жартылай жетім оқушылар  1-11 сынып сыныптар бойынша, аз қамтылған оқушыларға бөлінгендігін айтып өтті.

⠀

Сонымен қатар, 2022-2023 оқу жылының басында әлеуметтік жағдайы төмен аз қамтылған  отбасы балаларына аудандық білім бөлімі тарапынан мектепке қажетті құралдар (сумка, спорттық киім, аяқ киім, оқу құралдары) берілгендігін айтты.

⠀

2022-2023 оқу жылының І жарты жылдығында  қанша оқушы тегін ыстық тамақпен қамтылғанын, олар атаулы әлеуметтік көмек алатын аз қамтылған  отбасы балалары екендігін атап айтты. Оларға әр күн сайын ыстық тамақ берілетіндігін және тамақтың сапасы мен құрамы үнемі жіті бақылауда екенін, балалардың уақтылы келіп тамақтануын қадағалау мақсатында кезекшілік кестесі жасалып бекітілгендігі айтылды.

⠀

2022-2023 оқу жылында  жаңа жылдық мерекеге орай өткізілген іс шарада мектептегі аз қамтылған, көпбалалы, жартылай жетім оқушыларға мектепішілік                                                                                                                       демеушілер тарапынан   40 оқушыға жаңа жылдық  сыйлықтар тарту етілгендігін айтып өтті.

⠀

Қамқоршылық кеңес төрағасы Е.Райымбеков пен кеңес мүшелері есеп беру жиналысын "ҚАНАҒАТТАНАРЛЫҚ" деп тауып, мектеп директоры М.П.Аккулиевке алдағы жұмыстарына сәттілік тіледі.