Жаңа ғимараттың ашылу салтанаты

Түркістан облысы, Мақтаарал ауданының Адами әлеуетті дамыту бөліміне қарасты “Т.Әубәкіров атындағы #43 жалпы орта мектебі” коммуналдық мемлекеттік мекемесінің жанынан бой көтерген қосымша ғимараттың ашылу салтанаты ұйымдастырылып өткізілді.

⠀

Мектеп жанынан бой көтерген қосымша ғимараттың салтанатты ашылу рәсіміне Мақтаарал ауданы әкімінің орынбасары Бейсенбай Төребеков, Мақтаарал ауданы адами әлеуетті дамыту бөлімінің басшысы міндетін уақытша атқарушы Асанхан Қошқаров, аудандық кәсіподақ комитетінің маманы Ержан Жанисов, Сонымен қатар Хабибулла мешітінің бас имамы Ерболат молда және ауыл ақсақалдары Көпжасаров Дәрменбай мен Рзаев Құлтөре ақсақалдар қатысып, мектеп ұжымы мен оқушыларға  тілектерін білдірді.

⠀

Ашылу салтанатынан соң мектеп директоры М.П.Аккулиевтің басшылығында ұжымның ұйымдастыруымен мектепте құрбандық шалынып, ас берілді жəне əруақтарға құран бағышталды.