ӨҢІРЛІК СЕМИНАР

Түркістан облысы, Мақтаарал ауданы, Адами әлеуетті дамыту бөліміне қарасты "Т.Әубәкіров атындағы жалпы орта мектебі" коммуналдық мемлекеттік мекемесінде 23.02.2022ж. күні "Серіктес" мектептерге «Нәтижеге бағытталған сабақ-білім сапасын арттырудың тиімді жолы» тақырыбында өңірлік семинар өткізілді.

⠀

Мақсаты: Мұғалімдер жаңашылдыққа ұмтылады. Оқушылар өздерін бағалай отырып, өз-өзін реттеу, өз мүмкіндіктерін пайдалана білуге үйрету. Оқушылардың қызығушылығы мен өзіндік

қажеттілігі анықталады.

⠀

Семинарды мектеп директоры М.П.Аккулиев ашып беру барысында семинардың өткізілу мақсатына тоқталып өтті:

Оқушылардың білім сапасын арттыру, ең алдымен мұғалімнің кәсіби шеберлігіне, оқушылардың оқу іс-әрекетін педагогикалық сауатты ұйымдастыра білуіне байланысты. Оқыту теориясы қаншалықты дамытылғанымен, оқу бағдарламасы қаншалықты жетілдіргенімен, оқулық пен оқу құралдарының сапасы барынша жақсартылғанымен, мектеп керекті оқу құралдарымен керегінше жабдықталғанымен, оқу процесінде осының баршасына жан бітіріп, іске қосатын, оларды оқушылардың бақылау, байқау, зерттеу, оқу, үйрету тағы сол сияқты іс-әрекеттер объектісіне айналдыратын кілт- мұғалімде,- деп Lesson Study  тәсілі жайлы да қысқаша айтып өтті.

⠀

Қазіргі уақытта әр бір педагог үшін өз білімдерін шыңдау, дамыту басты мақсат болып табылады. Себебі, білім бір орында тұрмайды, ол үздіксіз дамып отырады. Әр күн сайын біз жаңа ашылулар, жаңалықтар оқып, көруімізге болады. Сол жаңалықтардың бірі — жаңаша тәсіл — Lesson Study деп аталады. Lesson Study — мұғалімдер тәжірибесі саласындағы білім жетілдіруге бағытталған ынтымақтастық педагогикалық тәсіл. Lesson Study–ге жоспарлау, оқыту, қадағалау, оқыту мен оқуды талдау, өз қорытындыларын тұжырымдап, құжаттарды бірлесіп жүзеге асыратын мұғалімдер тобы қатысады. Lesson Study-дің циклін өткізген соң мұғалімдер педагогикалық тәсілдерді түрлендіріп немесе жетілдіріп, кейіннен ашық Lesson study, таныстырылым өткізу, баспада жариялау арқылы әріптестеріне таратады-деп, серіктес мектептерден келген ұстаздарға мектебіміздің мұғалімдерінің сабақтарына қатысып, жаңа әдіс-тәсілдермен бөлісіп тәжірибе алмасуларын айтып, сәттілік тіледі.

⠀

Семинарда Қазақ тілі және әдебиеті пәні мұғалімі Ж.Аллабергенов "Көксерек" (бекіту сабағы), биология пәні мұғалімі Д.Жайнаров "Адам қаңқасының құрылысы мен бөлімдері", тарих пәні мұғалімі Ж.Абдубайтов "Үйсіндер туралы жазба деректер", қазақ тілі пәні мұғалімі Д.Конаева "Сидней олимпиадасының чемпиондары", орыс тілі мен әдебиеті пәні мұғалімі Н.Исмайлова "Галерея образов помещиков. Приторная неопределённость Манилова", бастауыш сынып мұғалімі С.Атабаева "Зат есімнің жіктелуі", бастауыш сынып мұғалімі А.Полатова "Қазақстан көлдері", ағылшын тілі пәні мұғалімі Д.Тұранова "Health and body", информатика пәні мұғалімі Н.Сәрсенбаев "Аралас құжат құру", Математика пәні мұғалімі Ф.Абдиатова "Ондық бөлшектерді көбейту" - Lesson study зерттеу сабақтары өз деңгейінде өткізілді.

⠀

Келген қонақтарға арнап концерттік бағдарлама көрсетілді.

Сабақтың соңында қорытынды жасалынып, келген қонақтар көтеріңкі көңіл-күймен тарқасты.